fbpx

Um okkur

Þinn árangur

er okkar ástríða!

Vertu velkomin-/n í frían prufutíma hvenær sem er  – við tökum vel á móti þér.

Metabolic Reykjavík er þjálfunarstöð þar sem allir iðkendur æfa undir leiðsögn framúrskarandi þjálfara og í hópi fólks sem hvetur hvert annað áfram og veitir stuðning.

Við vinnum með hágæða æfingakerfi með vísindalegan bakgrunn. Það er engin tilviljun í æfingavali eða uppröðun, allar æfingar eru skipulagðar frá upphafi til enda með ákveðið markmið í huga. Unnið er með markvissa álagsstýringu til að hámarka árangur og minnka hættu á meiðslum.

Við veitum leiðsögn, viðmót og þjónustu sem þú munt ekki finna annarsstaðar. ​Við viljum vita hvað þú heitir og hver markmið þín eru – við viljum virkilega hjálpa þér að ná þessum markmiðum. Við viljum að þú hlakkir til að koma til okkar og upplifir hreyfingu ekki sem kvöð heldur skemmtun. Við viljum að þú upplifir þig sem hluta af samfélaginu okkar. Þannig áttu ekki að þurfa að stóla á einn vin eða vinkonu til að fara með þér á æfingu heldur eiga æfingafélagarnir þínir og þjálfararnir í Metabolic að verða félagsskapurinn sem þú vilt æfa með.

Við bjóðum upp á marga ólíka æfingatíma

Allir tímarnir okkar eru hóptímar og fara fram í æfingasalnum okkar.

Allir tímar eru undir stjórn þjálfara sem sér til þess að iðkendur fái áskorun við sitt hæfi í hverjum og einum tíma.

Við erum með minnst þrjú erfiðleikastig í boði í öllum Metabolictímum (MB1, MB2, MB3 og MB4). Þjálfari stjórnar sameiginlegri upphitun fyrir allan hópinn og fer svo yfir æfingar dagsins með útskýringum. Að æfingu lokinni leiðir þjálfarinn svo lokaæfingu sem við köllum Finisher, þar sem iðkendur fá síðustu (og stundum erfiðustu) áskorun tímans.

Hvað segja iðkendur

Páll Gíslason

Þjálfarar

Eygló

Egilsdóttir

EIGANDI / FRAMKVÆMDASTJÓRI

Eygló er einn af eigendum MBR og elskar ekkert meira en að dvelja í æfingasalnum. 
Einnig á hún Jakkafatajóga sem sérhæfir sig í jógatímum fyrir vinnustaði.
Eygló er ÍAK einkaþjálfari, jógakennari og viðskiptafræðingur og hefur lokið fjölmörgum námskeiðum á sviði þjálfunar og kennslu. Hún hefur yfir áratuga reynslu af þjálfun og kennslu.

Ástríða: Að valdefla einstaklinga með þjálfun.
Mottó: Hik er sama og tap.
Uppáhalds æfingalagið: Lose yourself með Eminem. 

RÚNA BJÖRG SIGURÐARDÓTTIR

EIGANDI / STJÓRNARFORMAÐUR

Rúna er einn af eigendum MBR og hún á einnig Metabolic á Akranesi. Það má því segja að Rúna sé á kafi í þjálfunarheiminum. Hún elskar ekkert meira en að hjálpa fólki að komast yfir veikleikana sína og breyta þeim í styrkleika. Best líður henni þegar hún er í æfingasalnum með litlum hópi sem fær ítarlega þjálfun í styrktaræfingum. 

Ástríða: Smáatriðin. 
Mottó: Better sore than sorry.
Uppáhalds æfingalagið: POWER með Kanye West.. 

STEINUNN BIRTA HARALDSDÓTTIR

aðstoðarÞJÁLFARInn

Steinunn er á þriðja ári í íþróttafræði við HR, hún hefur á síðustu tveimur árum stundað nám og sótt fjöldamörg námskeið á sviði þjálfunar, þar á meðal ÍAK styrktarþjálfarann. Innst inni er hún algjör handboltakempa, en í dag líður henni best á góðri styrktaræfingu, ýmist sem iðkandi eða þjálfari.

Ástríða: Að hjálpa fólki að stækka þægindarammann sinn.
Mottó: Choose your battles.
Uppáhalds æfingalagið: Auslander með Rammstein.

HELGI JÓNAS GUÐFINNSSON

HÖNNUÐUR METABOLIC ÆFINGAKERFISINS

Helgi er hönnuður Metabolic æfingakerfisins og eigandi Metabolic í Reykjanesbæ og Grindavík. Hann hefur mikla reynslu af körufboltaþjálfun bæði sem leikmaður á afreksstigi og þjálfari.

Hann kenndi til margra ára við einkaþjálfaranámið hjá Íþróttaakademíu Keilis en einbeitir sér nú alfarið að þjálfun og uppbyggingu Metabolic innanlands og utan.

Ástríða: Lífeðlisfræðin á bakvið þjálfunarfræðina.
Mottó: Við verðum að hafa soldið gaman af þessu! 
Uppáhalds æfingalagið: ALLT með Skálmöld! 

HLYNUR MAGNÚSSON

METABOLICÞJÁLFARI

Hlynur hefur æft fótbolta frá unga aldri og hefur nýtt sér meiðsli á ferlinum sem góðan skóla. Hann er alinn upp hjá Fylki en spilar nú með Njarðvík. 

Hann leggur stund á Íþróttafræði við HR og er á öðru ári. 

Ástríða: Að verða betri og læra af mistökunum.
Mottó: No fear! 
Uppáhalds æfingalag: Hvað sem er með Rammstein.

SILLA RÚN HJARTARDÓTTIR

METABOLICÞJÁLFARI

Silla hefur bakgrunn úr mörgum íþróttum og hefur mikinn áhuga á öllu sem tengist heilsu og hreyfingu. Hún er viðskiptafræðingur frá HÍ og sinnir þjálfun hjá MBR í sínum frítíma. 

Ástríða: Að hjálpa fólki að auka áhuga sinn á að innleiða reglulega hreyfingu í líf sitt.

Mottó: Illu er best af lokið.

Uppáhalds æfingalagið: Losing it – radio edit.

LILJA MARÍA SIGFÚSDÓTTIR

METABOLICÞJÁLFARI

Lilja er menntaður íþróttafræðingur úr HR, en hennar íþróttabakgrunnur er úr íshokkí. Lengi vel var hún landsliðskona í íþróttinni en hún lagði skautana á hilluna fyrir nokkrum árum. Nú hefur hún fengið ástríðu fyrir því að æfa og þjálfa í Metabolic í sínum frítíma. Samhliða því að vera Metabolic-ari á Lilja tvö börn og hún starfar í málefnum fatlaðs fólks í Mosfellsbæ.

Ástríða: að æfa og þjálfa í góðum félagsskap og vera hvetjandi fyrir aðra.

Mottó: Þú ert þinn helsti keppinautur!

Uppáhalds æfingalagið: No tourists með Prodigy.

Páll Gíslason

ÞJÁLFARI

Palli hefur mikla reynslu úr æfingasalnum, hann hefur lært mikið á sínum meiðslum og miðlar reynslunni vel. Hann hefur verið daglegur gestur og rúmlega það frá því hann byrjaði að æfa hjá MBR, það var því bara rökrétt næsta skref að grípa hann inn í þjálfarateymið. Þegar hann er ekki að temja kroppana í salnum okkar eða æfa sjálfur, þá selur hann Suzuki bíla með bros á vör. 

Ástríða: Að vera jákvæður og hvetjandi!
Mottó: Hard work pays off! 
Uppáhalds æfingalagið: Face the pain með Stemm.

Hafðu samband

Hafðu samband

Heimilsfang

Stórhöfði 17

110 Reykjavík

Sími

691 2258

Eygló

Netfang

info@metabolicreykjavik.is